LG សម្ពោធសាខាថ្មី LG BRANDSHOP សាខាស្ទឹងមានជ័យ

ក្រុមហ៊ុន LG Electronics និង ក្រុមហ៊ុន G Gear បានប្រារព្ធនូវពិធីសម្ពោធសាខាថ្មីមួយទៀត​ គឺ LG BRANDSHOP សាខា ស្ទឹងមានជ័យ នៅក្នុងរាជធានីភ្នំពេញ ដោយកម្មវិធីនេះបានធ្វើឡើងកាលពីព្រឹកថ្ងៃទី 14 ខែ ធ្នូ ឆ្នាំ 2017 នៅអគារលេខ 11A ផ្លូវ មុន្នីរ៉េត សង្កាត់ស្ទឹងមានជ័យ ក្រោមអធិបតិភាព​ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងភ្លៀវកិត្តិយសជាច្រើនរូបទៀត​ប្រមាណជាង 100 នាក់ ។

ដោយសារតែការមើលឃើញពីភាពរីកចំរើននៅក្នុងតំបន់ ការមានតំរូវការកាន់តែច្រើន និងដើម្បី  បំរើសេវាកម្មជូនដល់អតិថិជនទាំងអស់ អោយ​កាន់តែមានភាពងាយស្រួល និង សំបូរបែបថែមទៀតនេះ ក្រុមហ៊ុន G Gear និង ក្រុមហ៊ុន LG Electronics ក៏បានបើកបន្ថែមនូវសាខា LG BRANDSHOP ថ្មីមួយទៀត នៅតំបន់ខណ្ឌមានជ័យ ក្នុងរាជធានីភ្នំពេញ។​សាខាថ្មីនេះ គឺជាសាខាទី 7 ហើយបន្ទាប់ពីយើងទទួលជោគជ័យក្នុងការបើកសាខាចំនួន 6 មកហើយដែលមានទីតាំងស្ថិតនៅ រាជធានីភ្នំពេញ ខេត្តសៀមរាប ខេត្តបាត់ដំបង ខេត្តកំពងចាម និងខេត្តព្រះសីហនុ ហើយនេះជាសាខាទី 3 ហើយនៅក្នុង  រាជធានីភ្នំពេញ។

LG BRANDSHOP សាខាស្ទឹងមានជ័យថ្មីនេះ គឺមានការដាក់បង្ហាញ និងលក់នូវរាល់ផលិតផលរបស់ LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់​ ទូរទឹកក ម៉ាស៊ីនបោកសំលៀកបំពាក់ ឧបករណ៍បំពងសម្លេង ទូរសព្ទដៃ និង គ្រឿងអេឡិចត្រូនិចជាច្រើនផ្សេងទៀត ដែលសុទ្ធសឹងតែជាផលិតផល      ទំនើបៗ នឹងម៉ូដែលថ្មីៗ ចុងក្រោយគេបង្អស់របស់ LG ។ បន្ថែមជាងនេះទៅទៀត​ សាខាថ្មីនេះក៏មានបំរើផ្នែកសេវាកម្មជុសជុលថែទាំ និងផ្តល់ប្រឹក្សាអំពីការប្រើប្រាស់ផលិតផលរបស់ LG ផងដែរ។

នាក្នុងឪកាសនោះ លោក ឧកញ្ញ៉ា សុខ ពិសិដ្ឋ នាយកប្រតិបត្តិក្រុមហ៊ុន G Gear បានមានប្រសាសដែរថា “LG Brandshop បានដើរតួនាទីយ៉ាងសំខាន់ សំរាប់ផ្ដល់នូវបទពិសោធន៏ថ្មី នៃការលក់ផលិតផល LG បង្ដើតនូវបណ្ដាញសេវាកម្មអតិថិជនដ៏ល្អ និង ជាកន្លែងសំរាប់ស្វែងយល់ពីបច្ចេកវិទ្យា​​    ទំនើបៗ ចុងក្រោយបំផុតដូចបណ្ដាប្រទេសនានា នៅលើពិភពលោក។ LG Brandshop នឹងនៅតែបន្ដតួនាទី និង បេសកម្មរបស់ខ្លួនដើម្បីកសាងទំនុកចិត្ត និង ផ្ដល់នូវផលិតផលដែលមានការធានាត្រឹមត្រូវ ជូនអតិថិជ​នដោយផ្ដោតសំខាន់លើគោលការណ៍ 3 ចំនុច ៖      ទំនិងមានគុណភាព, សេវាកម្ម ល្អ, តំលៃសមរម្យ ។”

លោក Bong Soak Kim អគ្គនាយកក្រុមហ៊ុន LG ប្រចាំប្រទេសកម្ពុជាក៏បានមានប្រសាសដែរថា “ យើងមានសេចក្តីសោមនស្សរីករាយយ៉ាងខ្លាំងក្នុងការធ្វើជាដៃគូ ជាមួយក្រុមហ៊ុនចែកចាយដ៏ធំរបស់យើង G Gear ដែលជាក្រុមហ៊ុននាំមុខគេរបស់កម្ពុជា ដែលបានធ្វើការចែកចាយលក់ផលិតផលអេឡិចត្រូនិក និងទូរស័ព្ទ​ដៃ LG ដែលទទួលជោគជ័យបំផុត ហើយថ្ងៃនេះយើងទទួលបានសមិទ្ធផលថ្មីមួយទៀតដែលជាការបើកសម្ពោធជាផ្លូវការហាង LG Brandshops ទី 7 របស់យើងនៅក្នុងប្រទេសកម្ពុជាហើយវាក៏ជាហាង LG Brandshop ទី 3 របស់យើងនៅក្នុងក្រុងភ្នំពេញនេះ​​។ យើងជឿជាក់ យ៉ាងមុតមាំថាការបើកហាង LG Brandshop ថ្មីរបស់យើងនាពេលនេះនឹងជួយអតិថិជនរបស់យើងកាន់តែមានភាពងាយស្រួលក្នុងការស្វែងរកផលិតផលអេឡិចត្រូនិចដែលនៅជាប់ផ្ទះរបស់ពួកគាត់។ ”

ដើម្បីអបអរក្នុងឪកាសបើកសម្ពោធនេះ ក្រុមហ៊ុនក៏បានរៀបចំអោយមាន នៅកម្មវិធីលក់បញ្ចុះ    តំលៃយ៉ាងពិសេសរហូតដល់ 30% សំរាប់រាល់ការជាវផលិតផល LG ពីសាខា LG BRANDSHOP ស្ទឹងមានជ័យនេះ ​ដែលមាន   រយៈពេល 4 ថ្ងៃ ចាប់ពីថ្ងៃទី 14 ដល់ ថ្ងៃទី 17 ខែធ្នូ នេះ។ រាល់ផលិតផលរបស់ LG BRANDSHOP គឺជាផលិតផលសុទ្ធដែលមានការធានាក្នុងការជុសជុលនឹងត្រួតពិនិត្យត្រឹម   ត្រូវ។

 

អាស្រ័យដ្ឋាន LG BrandShop សាខាស្ទឹងមានជ័យ

អគារ 11A ផ្លូវមុន្នីរ៉េត, ភូមិដំណាក់ធំ, សង្កាត់ស្ទឹងមានជ័យ, ខណ្ឌមានជ័យ, រាជធានីភ្នំពេញ

ទូរសព្ទទំនាក់ទំនង​ 016 999 481 / 023 222 699

You May Read

ហេតុផល៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

Wednesday, June 20, 2018

សន្សំសំចៃអគ្គីសនី ម៉ាស៊ីនបោក Smart Inverter របស់ក្រុមហ៊ុន LG ដំណើរដោយម៉ាស៊ីនដ៏ឈ្លាសវៃ Smart Inverter ដែលផ្តល់នូវការសន្សំសំចៃអគ្គីសនីខ្ពស់។ Inverter គឺជាបច្ចេកវិទ្យាសន្សំសំចៃថាមពលដែលជួយបំបាត់ការខ្ជះខ្ជាយថាមពល និងគ្រប់គ្រងថាមពលប្រកបដោយប្រសិទិ្ធភាព ដែលសន្សំសំចៃភ្លើងបានរហូតដល់ 36% និងបានធ្វើតេស្តដោយ ...

កម្មវិធីសម្ពោធទូរក្លាស្សេភេសជ្ជៈ Panasonic ស៊េរីថ្មី គុណភាពខ្ពស់ និង សន្សំសំចៃថាមពលអគ្គីសនីកាន់តែអស្ចារ្យ

Friday, June 15, 2018

ភ្នំពេញ ៖ ថ្ងៃទី 14 ខែ មិថុនា ឆ្នាំ 2018 – ក្រុមហ៊ុន Panasonic បានសហការណ៍ជាមួយ ក្រុមហ៊ុន       G Gear រៀបចំកម្មវិធីសម្ពោធផលិតផលទូរក្លាស្សេភេសជ្ជៈ Panasonic ស៊េរីថ្មីដែលដំណើរការក្លាស្សេ និងបំភាយភាពត្រជាក់បានយ៉ាងល្អ និងមានគុណតម្លៃខ្ពស់ ដល់អាជីវកម្មលក់រាយ សេវាកម្មចំណីអាហារ និងភេសជ្ជៈ នៅក្នុងប្...

រ៉ូបូតបូមធូលីរបស់ LG មិនត្រឹមតែធ្វើអោយផ្ទះគ្មានធូលីនោះទេ ថែមទាំងជាអ្នកការពារផ្ទះរបស់អ្នកទៀតផងដែរ

Tuesday, May 29, 2018

លោក Kobi Ozer ដែលរស់នៅទីក្រុង Holon នៃប្រទេសអុីស្រាអែល, ខណៈដែលគាត់កំពុងធ្វើការនៅក្នុង ការិយាល័យរបស់គាត់គឺគាត់ទទួលបានដំណឹងនៅក្នុងទូរស័ព្ទដៃរបស់គាត់ពីប្រភពដែលមិនគួរអោយជឿមួយ គឺម៉ាស៊ីនបោសសំអាតរបស់គាត់។ នៅពេលដែលលោក Ozer គាត់បើកកម្មវិធី LG SmartThinQ™ ទើបគាត់ដឹងថារ៉ូបូតបូមធូលីរបស់គាត់បានផ្ញើររូបភាពអ្នក...

LG សម្ពោធសាខាថ្មី LG BRANDSHOP សាខាខេត្តសៀមរាប

Thursday, May 24, 2018

ក្រុមហ៊ុន LG Electronics និង ក្រុមហ៊ុន G Gear បានប្រារព្ធនូវពិធីសម្ពោធសាខាថ្មីគឺ LG BRANDSHOP សាខាខេត្តសៀមរាប ដោយកម្មវិធីនេះបានធ្វើឡើងកាលពី ព្រឹកថ្ងៃទី 24 ខែ ឧសភា ឆ្នាំ 2018 នៅអគារលេខ 503 ផ្លូវស៊ីវត្ថា ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាបក្រោមអធិបតិភាព​ ឯកឧត្តម ពិន ប្រាកដ អភិបាលរងន...