Monitor UltraGear ថ្មីកំលាំងខ្លាំង រូបភាពច្បាស់ស័ក្តិសមនឹងអ្នកចូលចិត្តលេងហ្គេម និងការងារការិយាល័យ

ក្រុមហ៊ុន ជីហ្គៀ គ្រុប បាននាំចូល LG Monitor សំរាប់លេងហ្គេមប្រភេទ UltraGear^TM មកកាន់ទីផ្សារកម្ពុជា នឹងកំពុងចែកចាយនៅគ្រប់ហាង LG BrandShop និងហាងដៃគូអាជីវកម្មលក់រាយនៅតាមបណ្តាខេត្តក្រុងទាំងអស់។

UltraGear™ គឺជាអេក្រង់ហ្គេមរចនាឡើងត្រជាក់ភ្នែក កំលាំងខ្លាំង បច្ចេកវិទ្យាអេក្រង់ចុងក្រោយបំផុត និងអាចតភ្ជាប់ជាមួយមុខងារនៃការលេងហ្គេមច្រើនប្រភេទ ដំណើរការខ្ពស់ ដែលបានផ្តល់បន្ថែមនូវភាពរីករាយសម្រាប់អ្នកលេងហ្គេមគ្រប់កាលៈទេសៈ។

Monitor ប្រភេទ UltraGear™ ថ្មីដែលកំពុងចែកចាយនៅក្នុងទីផ្សារកម្ពុជានាំចូលដោយក្រុមហ៊ុន ជីហ្គៀ គ្រុប មានម៉ូដែល 27GN650 32GN650 និងម៉ូដែល 32GP850។ ​​

សំរាប់ផ្ទាំងLG Monitor ម៉ូដែល​ 27GN650-B មានទំហំអេក្រង់ 27 អ៊ីញ បង្ហាញកម្រិតរូបភាព Full HD (1920 x 1080) IPS Display និងគាំទ្រ HDR10 ជាមួយកម្រិតពណ៌ sRGB 99% ដែលជាពណ៌ស្តង់ដារបស់ពណ៌ ក្រហម បៃតង ខៀវ មិនតែប៉ុណ្ណោះវាបានអនុញ្ញាតឱ្យមើលឃើញជាក់ស្តែងជាមួយនឹងពណ៌សម្បូរបែប ដែលជួយអ្នកលេងហ្គេមមើលឃើញពណ៌ដ៏អស្ចារ្យ និងល្បឿនចលនាអេក្រង់រត់រហូតដល់ 144Hz ធ្វើ​ឱ្យ​រូបភាព​បង្ហាញ​យ៉ាង​រលូន។

ម៉ូដែល 32GN650-B ជា Monitor មានទំហំអេក្រង់ 31,5 អ៊ីញ បង្ហាញកម្រិតរូបភាព 2K QHD (2560 x 1440) និងគាំទ្រ HDR10 ជាមួយកម្រិតពណ៌ sRGB 95% ដែលជួយអ្នកលេងហ្គេមមើលឃើញពណ៌ដ៏អស្ចារ្យ និងល្បឿនចលនាអេក្រង់រត់រហូតដល់ 165Hz ធ្វើ​ឱ្យ​រូបភាព​បង្ហាញ​យ៉ាង​រលូន។

ដោយឡែក 32GP850-B មានទំហំអេក្រង់ 31,5 អ៊ីញបង្ហាញកម្រិតរូបភាព 2K QHD (2560 x 1440) Nano IPS^TM និងគាំទ្រ HDR10 ជាមួយការបង្ហាញពណ៌ធំទូលាយនៃ DCI-P3 98% វាមានសមត្ថភាពបង្ហាញពណ៌កាន់តែប្រសើរជាងប្រភេទ sRGBទូទៅ ដែលជួយអ្នកលេងហ្គេមមើលឃើញពណ៌ដ៏អស្ចារ្យ និងល្បឿនចលនាអេក្រង់រត់រហូតដល់ 165Hz/180Hz ធ្វើ​ឱ្យ​រូបភាព​បង្ហាញ​យ៉ាង​រលូន អ្នកលេងហ្គេមអាចឆ្លើយតបយ៉ាងរហ័សទៅកាន់គូប្រកួតប្រជែង និងតម្រង់គោលដៅយ៉ាងងាយស្រួល។

LG UltraGear^TM ទាំងបីម៉ូដែល 27GN650 32GN650 32GP850 គឺជាម៉ូនីទ័រដែលមានភ្ជាប់មកជាមួយ G-SYNC® ដែលត្រូវបានសាកល្បងដោយ NVIDIA នឹងបច្ចេកវិជ្ជា FreeSync^TM Premium ដែលកាត់បន្ថយការជាប់គាំង រឺទាក់ចលនារូបភាពសម្រាប់បទពិសោធន៍លេងហ្គេម ដែលផ្តល់នូវចលនារលូន ជាមួយគុណភាពបង្ហាញខ្ពស់។

ម៉ូនីទ័រទាំងបីម៉ូដែលនេះ មានការរចនារូបរាងទាន់សម័យ ឡូយ និងទាក់ទាញ និងអាចបង្វិលអេក្រង់ក្នុងការប្រើប្រាស់ ជាលក្ខណៈអេក្រង់ផ្តេក រឺបញ្ឈរទៅតាមតម្រូវការ ដើម្បីបង្កើនបទពិសោធន៍លេងហ្គេមរបស់អ្នក។

ប្រភេទ​Monitor របស់ក្រុមហ៊ុន LG Elelectronics ទាំងអស់នេះមិនត្រឹមតែផ្តោតសំខាន់លើការលេងហ្គេម​នោះទេ ប៉ុន្តែយើងអាចប្រើប្រាស់សំរាប់ការងារការិយាល័យ កាត់វីដេអូ និងការរចនារូបភាពបានផងដែរ ព្រោះការច្នៃប្រឌិតអេក្រង់ និងមុខងាររបស់វាសម្រប ទៅតាមតម្រូវការរបស់អ្នកប្រើប្រាស់ និង មានភាពបទបែនច្រើន៕

ប្រភព៖ LG Newsroom
រក្សាសិទ្ធិ©ដោយ៖ GGEAR Group