LG BrandShop ទួលគោកនិងសាលាសង្កាត់បឹងកក់២ បានរួមសហការគ្នាធ្វើយុទ្ធនាការទីក្រុងស្អាត

នាព្រឹកថ្ងៃទី​២២​ កក្កដា ២០២០ នេះ LG BrandShop ដែលជាហាងលក់គ្រឿងអេឡិចត្រូនិចរបស់ក្រុមហ៊ុនជីហ្គៀគ្រុប​បានផ្ដួចផ្ដើម​និងសហការ​គ្នាជាមួយសាលាសង្កាត់បឹងកក់២​ ក្នុងយុទ្ធនាការទីក្រុងស្អាត ដែលស្ថិតក្នុងបរិវេណ​សង្កាត់បឹងកក់ ។​ សូមបញ្ជាក់​ផងដែរថាគោលបំណងនៃយុទ្ធនាការនេះគឺជាការបំផុសសកម្មភាពមួយផ្នែកក្នុងការចូលរួមសម្អាតនិងថែរក្សាបរិស្ថាន​អោយមានអនាម័យល្អ ប្រកបដោយសោភ័ណភាពស្រស់បំព្រងសម្រាប់រាជធានីភ្នំពេញរបស់យើងក្នុងពេលបច្ចុប្បន្ន។

មួយវិញទៀតថ្នាក់ដឹកនាំ LG BrandShop ក៏បានផ្ដល់ជូនជាអំណោយគ្រឿងបរិភោគមួយចំនួនដូចជា អង្ករ ទឹកស៊ីអៀវ និងត្រីខដល់សាលាសង្កាត់​បឹងកក់២​សម្រាប់ប្រើប្រាស់ទៅតាមតម្រូវការជាក់ស្ដែងផងដែរ។ ក្រោយពីបញ្ចប់យុទ្ធនាការខាងលើថ្នាក់ដឹកនាំក៏ដូចជាបុគ្គលិកនៃស្ថាប័នទាំងពីរបានជុំគ្នាទុកជាថតរូបអនុស្សាវរីយ៍ នឹងបានសំណូមពរដល់បងប្អូនប្រជាពលរដ្ឋ​របស់យើងគ្រប់រូបមិនថានៅក្នុងរាជធានីភ្នំពេញឬតាមបណ្ដាខេត្ដ សូមចូលរួមទប់ស្កាត់សកម្មភាពចោលសំរាមផ្ដេសផ្ដាស និងថែរក្សាអនាម័យរស់នៅប្រចាំថ្ងៃអោយបានល្អខ្ជាប់ខ្ជូនដើម្បីជៀសផុតពីជម្ងឺឆ្លងផ្សេងៗជាយថាហេតុ​ ។