News/Press release

GGear Group និង LG ប្រកាសបើកទំព័រ “The New Era of LG Cambodia” បង្កើតរបត់ថ្មីនៃការចែកចាយគ្រឿងអេឡិចត្រូនិច

រាជធានីភ្នំពេញ, ថ្ងៃទី ០៣ ខែតុលា ឆ្នាំ២០២៦ — ក្រុមហ៊ុន ជីហ្គៀ គ្រុប (GGear Group) និងក្រុមហ៊ុន LG Electronics បានរួមគ្នាប្រកាសបើកទំព័រ «The New Era of LG Cambodia» ក្នុងព្រឹត្តិការណ៍ជួបជុំដៃគូអាជីវកម្មប្រចាំឆ្នាំ ២០២៦ នៅសណ្ឋាគារ សុខា ភ្នំពេញ។ ព្រឹត្តិការណ៍ដ៏ធំនេះមានការចូលរួមពីបណ្តាញតំណាងចែកចាយ មកពី ២៥ រាជធានី-ខេត្ត ដៃគូពាណិជ្ជកម្ម (B2B) និងភ្ញៀវកិត្តិយសជាង ៦០០ នាក់ ដើម្បីអបអរសាទរខួប ១៥ ឆ្នាំនៃក្រុមហ៊ុន GGear Group (2011–2026) ព្រមទាំងប្រកាសរបត់យុទ្ធសាស្ត្រថ្មីក្នុងការចែកចាយគ្រឿងអេឡិចត្រូនិច LG នៅកម្ពុជាឱ្យកាន់តែរឹងមាំ និងបន្តរីកចម្រើនរួមគ្នា។

អបអរសាទរខួប ១៥ ឆ្នាំនៃក្រុមហ៊ុន ជីហ្គៀ គ្រុប ក្នុងដំណើរការអាជីវកម្ម និងការរីកចម្រើនប្រកបដោយចីរភាព ក្នុងវិស័យអេឡិចត្រូនិច

ភ្នំពេញ ថ្ងៃទី ២៩ ខែមីនា ឆ្នាំ ២០២៦ – ក្នុងបរិយាកាសដ៏អធិកអធមនៃពិធីអបអរសាទរខួបទី ១៥ ឆ្នាំ ក្រុមហ៊ុន ជីហ្គៀ គ្រុប (GGEAR Group) បានបង្ហាញនូវមោទនភាពចំពោះដំណើរអាជីវកម្មដ៏វែងឆ្ងាយ ដែលពោរពេញដោយភាពធន់ ភាពសុចរិត និងការរីកចម្រើនប្រកបដោយចីរភាព។ ចាប់តាំងពីការឈានជើងចូលទីផ្សារដំបូងក្នុងឆ្នាំ ២០១១ រហូតមកដល់បច្ចុប្បន្ន ក្រុមហ៊ុនបានវិវត្តខ្លួនយ៉ាងរឹងមាំទៅជាសសរស្តម្ភដ៏សំខាន់ ក្នុងវិស័យអេឡិចត្រូនិក និងបច្ចេកវិទ្យានៅក្នុងព្រះរាជាណាចក្រកម្ពុជា។

ក្រុមហ៊ុន ជីហ្គៀ គ្រុប និងមូលនិធិ SDF បន្តបេសកកម្មរួមគ្នាផ្តល់វគ្គបណ្តុះបណ្តាលថ្មី ដើម្បីប្រែក្លាយជាងម៉ាស៊ីនត្រជាក់ឱ្យក្លាយជាអ្នកជំនាញអាជីពពិតប្រាកដ

រាជធានីភ្នំពេញ – ដើម្បីជំរុញ និងប្រែក្លាយជាងបច្ចេកទេសម៉ាស៊ីនត្រជាក់ឱ្យក្លាយជា “អ្នកជំនាញអាជីពពិតប្រាកដ” វគ្គបណ្តុះបណ្តាលជំនាញកម្រិតខ្ពស់បន្តបន្ទាប់ ត្រូវបានរៀបចំឡើងយ៉ាងយកចិត្តទុកដាក់បំផុត។ កម្មវិធីនេះប្រព្រឹត្តទៅនៅថ្ងៃទី០៦ និង ០៧ ខែសីហា ឆ្នាំ២០២៦ ដោយនាំយកនូវប្រធានបទថ្មីគឺ «សុខភាព សុវត្ថិភាព និងបរិស្ថាន» ដែលជាកិច្ចសហការបន្តរវាង ក្រុមហ៊ុន ជីហ្គៀ គ្រុប (GGEAR Group) និងមូលនិធិអភិវឌ្ឍន៍ជំនាញ (SDF) ធ្វើឡើងនៅទីស្នាក់ការ SDF រាជធានីភ្នំពេញ។